बुटवल । लुम्बिनी क्षेत्रको धार्मिक स्थलको भ्रमणमा आउनुभएका पूर्वराजा ज्ञानेन्द्र शाहले जनताले राजसंस्था चाहेको बताउनुभएको छ ।
यस क्षेत्रको भ्रमणमा रहेका पूर्वराजा शाहले पत्रकारसँग कुरा गर्दै भन्नुभयो, “अहिलेको परिस्थितिमा राजसंस्था एउटा शक्तिको रूपमा आउन सक्छ र यसको आउने आधार चाहिँ जनतालाई सोध्नुपर्छ ।”
पूर्व राजा शाहले अगाडि भन्नुभयो, “राजसंस्थाले राजनीतिक गर्दैन, पार्टी पनि खोल्दैन र राजसंस्थाभन्दा तल अरु देख्दिनँ । मैले नारायणहिटी छोड्नुभन्दा देश गम्भीररूपमा पुगेको छ ।”
पूर्व राजा ज्ञानेन्द्रले मुलुक आफुले राजगद्धी छाडेको अवस्थामा भन्दा पनि निकै संकटपूर्ण अवस्थामा पुगेको बताउनु भयो । ज्ञानेन्द्रले आफू राजनीतिज्ञ नभएको समेत बताउनुभयो । मंगलबार राती नवलपारसी ,
रुपन्देही र कपिलबस्तुका पत्रकारहरुलाई निमत्रण गरिएको पत्रकार सम्मेलन सबैभन्दा पहिले बुटलवका पत्रकाहरुसँग त्यसपछि भैरहवा, कपिलबस्तु र नवलपरासीका सञ्चारकर्मीहरुसँग
छुट्टाछुटै पत्रकार सम्मेलन गरिएको थियो ।
निर्वाचन पद्धतिबाट राष्ट्रपतीय ब्यवस्थामा जान के गर्नु हुन्छ भन्ने पत्रकारको जिज्ञासामा आफुले राजाभन्दा अर्को नदेखेको बताउनु भयो । भ्रमणका क्रममा आफुलाई जनताले चाहेको महशुस भएको उल्लेख गर्दै जनताले जा भने गद्धी छाडे आइज बस् भन्छ्रन भने आफु बस्न तयार रहेको बताउनु भयो । वर्तमान समयमा राजनीतिक पार्टीले सहमतीको रटान रटेतापनि दलहरु स्वचालित होइन परिचालित भएजस्तो आफुलाई लागेको बताउनु भयो ।
नारायणहिटी राजदरवार हत्याको विषयमा पत्रकारहरुले राखेको जिज्ञाशामा पूर्व राजा शाहले – लान्छना आफुमाथि लागेको छ त्यसको प्रतिवेदन पनि आइसकेको छ त्यो हामीमाथि लागेको आरोप मात्र हो पूर्व राजा शाहले भन्न भयो । जनताले राजसंस्थाको भूमिका खोजेकाले आफुले राजनीति नगर्ने बताउनु भयो ।
रुपन्देही, नवलपरासी र कपिलवस्तुका सबै पत्रकारहरुलाई निमन्त्रणा गरिएको कार्यक्रममा सबै जिल्लाका पत्रकाहरुसँग छुट्टाछुट्टै परिचय र भेट गर्नु भएको थियो । धेरै जसो सञ्चारमर्कीहरुले पूर्व राजासँग तस्बीर समेत खिचाएका थिए । सात बजे सञ्चारकर्मीहरुलाई
बोलाइएता पनि करिब ८ बजे कार्यक्रम सुरु भएको थियो । रुपन्देही नवलपरासी र कपिलबस्तुमा रहेको धार्मिक स्थानहरुको भ्रमणमा निस्नुभएका पूर्व राजा शाह रुपन्देही आए लगतै रहेक स्थानमा पाएको सर्वसाधारणको उत्साहजनक सहभागिताबाट उत्साहित थिए ।
No comments:
Post a Comment